REPOSTING: FROM jUSTICE pREVAILS...

ARON ANG KATAWHAN MASAYUD…..
Magmalampuson gayud ang dautan kon ang maayo walay pagahimuon.
Sa wala pa nagsugod ang kampanya, init na ang pamulitka sa Escalante. Nisamot kini kay usa sa pinakamaayo nga kalidad niining kaatbang ni Mayor Beboy Yap sa pagka Mayor mao ang kaabtik niya nga MUTOMO-TOMO ug MUBALAY ug estoryang BAKAK mahitungod sa administrasyon sa atong pinalanggang Mayor Beboy aron kitang mga Escalantehanon matalang palayo sa tinuod nga panghitabo sa atong syudad.
ARON ANG KATAWHAN MASAYUD…..sulod sa siyam (9) ka tu-ig nga kining kanhi Mayor, naghuna-huna nga mutukod ug usa ka dinastiya ug gingharian, busa iyang gipadagan kaniadto ang iyang ASAWA. Abi tingali niya ug bogo kitang mga Escalantehanon. Mao, nga sa karon nga higayon, iya na usab nga testingan ang kapasidad natong mga Escalantehanon kon madala na usab kita sa iyang mga pagpamakak ug panglimbong.
ARON ANG KATAWHAN MASAYUD….. unsa man nga mga proyekto ang gipabugal niining KANHI MAYOR Dili ba miutang man usab ni sya kaniadto aron mapatukod kining “importante” kuno niya nga mga proyekto? Basig iyang nakalimtan nga hasta karon, ato gyapong ginabayran ang pila ka milyones niya nga utang nga sa diin mitubo ug kapin 400% aron lamang makapatuyang siya sa iyang kapritso ug dili ang pagtubag sa tinud-anay nga panginahanglan sa katawhan sa atong syudad. Kining tanan, atong hinumduman, gihimo niya sa ikaduha niya nga termino kay sa pagkatinu-od WALAY PROYEKTO ANG NAHIMO NIINING KANHI MAYOR SA UNANG TERMINO NIYA BILANG MAYOR… WAY PATAY ANG YAM-YAM nga SA PAGKATINU-OD LANG WA MAN GAYU’y AGI! Ang iyang agi? MAO ANG PAGPAHAWA UG PAGPALAGPOT SA 14 KA MGA EMPLEYADO SA MUNISIPYO KANIADTO…ANG PANGGUBA SA MGA TINDAHAN SA ATONG MGA PIGADO UG GAPANINGKAMOT NGA MGA GAGMAY’NG NEGOSYANTE DIHA SA ATONG MERKADO. KINI BA ang TAWO NGA DILI KAHIBALO MUDAUG DAUG UG MANGLUTOS? DILI BA Hinimuan kini sa usa ka tawo nga WALAY KONSYENSYA?
ARON ANG KATAWHAN MASAYUD….. KINING KANHI MAYOR MUPAAYO LAMANG SA DALAN KON kini padulong sa iyang mga negosyo. Pananglitan, ang Barcelona port, ang phosphate mining niya sa Binaguiohan ug uban pa… MAO BA KINI ANG GIINGON NILA NGA GOOD GOVERNANCE UG DE KALIDAD NGA SERBISYO SA KATAWHAN KANIADTO? SERBISYO SA KAUGALINGONG NEGOSYO UG QUALITY SERVICE ALANG SA BARCOM ug SHELL nga maoy iyang GIMINGAWAN? BUSA NAGPAPILI SIYA PAG-USAB…
IPABUGAL PA NIYA ANG MGA BALAY NGA IYANG GIPATUKOD sa lain-laing GK ug Habitat, APAN SA PAGKATINU-OD, kinsa man ang nakabenepisyo niini? Dili ba mga anak, pag-umangkon ug paryente sa iyang mga EXECUTIVE ASSISTANTS USAB NIADTONG SIYA PA ANG MAYOR? Mao ba kini ang gitawag NIYA NGA “EXCELLENT” PROJECT ALANG SA MGA PIGADO? Dili buta ang mga Escalantehanon aron dili kini mahibaw-an ug makit-an!
SIYAM KA TU-IG ANG MILABAY, WALAY DALAN NGA TINU-OD NAPASEMENTO NIINING KANHI MAYOR – SI MAYOR BEBOY LAMANG ang NAKAPASEMENTO sa mga importante nga kadalanan SAMA SA CERVANTES, WASHINGTON, FIVE-STAR UG UBAN PA. UNYA MIINGON SILA NGA WALA’Y PROYEKTO ALANG SA TAWO? UNSA MAN TAWON NING MGA SUPORTERS NI KANHI MAYOR, MGA BUTA??? WA MAG-AGI SA KARSADA O NAG-ANTIPARA UG BIKA KAY DI MAN KAKITA? O KAHA NAGPABUTA-BUTA SUNOD SA LIDER NILA NGA BUTA SA KAMATOORAN.
ARON ANG KATAWHAN MASAYUD….. gasinggitan kini sila nga tapna-on ang korapsyon ug kagubot sa atong syudad? Tinu-od ba gayud nga gubot ang Escalante? Kinsa man ang nag-ingon nga gubot? Dili ba kini ra man sad ang KANHI MAYOR? Dili ba gusto niyang makahatag ug impresyon o hulagway nga gubot ang Escalante aron ana-a siyay isyu batok kang Mayor Beboy? Kay bisag dili iyang lider ug wala’y labot ang nahitabo sa pulitika – iya na lang angkonon nga iyaha sama kang Malunes nga taga Cervantes? DESPERADO na jod ang kanhing mayor mangita ug isyu aron mahugawan ang imahen ni MAYOR BEBOY.
ARON ANG KATAWHAN MASAYUD…..KON MAY TAWO MAN NGA DAPAT MAHADLOK TUNGOD SA HIWI UG KURAP NGA HINIMUAN – DILI SI MAYOR BEBOY APAN ANG KANHI MAYOR nga NASUSPENSO GANI KINING “AWARD WINNING” SUGOD PA NIADTONG ENERO UG HASTA PA SA MAYO TUNGOD KAY GATO-O SIYA NGA LABAW PA SYA SA BALAOD SA IYANG KATUNGDANAN. Ang suspension order maoy bunga sa kaso nga gi-file sa Office of the President mahitungod sa Derilection Of Duty, Gross neglect of Duty, Grave Misconduct and Abuse of Authority nga sa diin SIYA NAPAMATUD-AN NGA GUILTY!
ARON ANG KATAWHAN MASAYUD….. daghan pang mga kaso ang ana-a karon sa Ombudsman mahitungod sa CORRUPT NGA PANGGAMHANAN ni KANHING MAYOR - KINI DILI TOMO-TOMO, DILI USAB KINI BAKAK! MGA KASO KINI NGA GIDUSO NA NGADTO SA OMBUDSMAN UG ANAA NA SA PROSESO --- ANIA, ILADLAD TA ARON KAMO MAHIBALOb!!!
1. Case Nos. OMB-V-C-07-0109 ug OMB-V-A-07-0105-C
MALVERSATION OF PUBLIC FUNDS AND CORRUPT PRACTICES sa pagpatukod sa Vicente Gustilo District Hospital – gipaubra nga wala’y program of works ug uban pang mga detalye nga DAPAT aprobado sa Sangguniang Panlungsod;
2. Case No. OMB-V-C-0038-B
GRAFT AND CORRUPTION sa pagpalit sa yuta (LOT 103-B) nga gipanag-iyahan ni SPM BELEN HINOLAN nga gakantidad ug 500,000.00. Kining maong yuta gipalit lamang kaniadto ni SP HINOLAN kang Porferia vda. De Camacho, Edgardo Camacho ug uban pa sa kantidad nga 20,000.00 lamang.
3. Case No. OMB-V-C-0453-1
ESTAFA AND FALSIFICATION OF PUBLIC DOCUMENTS sa personal nga lakaw ni Kanhi City Administrator ANECITA PAMATI-AN sa JAPAN nga gibayran sa syudad ug 203,868.00
4. Case No. OMB-V-C-0453-1
ESTAFA mahitungod sa pag pirma sa CONTRACT OF LEASE with Alfie’s Construction and Construction Supply bisag wala pa nahatagan ug authority sa sangguniang Panlungsod ug wala miagi ug Public Bidding, sa rental sa serbisyo sa usa ka Unit nga Payloader;
5. Case No. OMB-V-C-0453-1
ESTAFA mahitungod sa pag pirma sa CONTRACT OF LEASE with Alfie’s Construction and Construction Supply bisag wala pa nahatagan ug authority sa Sangguniang Panlungsod ug wala miagi ug Public Bidding, sa rental sa serbisyo sa usa ka Unit nga Bagger Concrete Mixer, One Unit concrete vibrator and one Unit Plate compactor;
6. Case No. CPL-V-07-0756
ESTAFA tungod sa pagkolekta ug PhP 480,000.00 sa alleged REIMBURSEMENT OF DUTIES AND TAXES alang sa shipment sa usa ka unit nga Fire truck from Taiwan nga ang tinud-anay nga nahitabo mao nga ang donation sa duha (2) ka firetrucks gikan sa federation of Filipino-Chinese Fire Prevention and Civic Welfare Ass’n., Inc. sa syudad;
7. Case No. CPL-V-07-0782
ESTAFA mahitungod sa pag pirma sa CONTRACT OF LEASE with Alfie’s Construction and Construction Supply bisag wala pa nahatagan ug authority sa Sangguniang Panlungsod ug wala miagi ug Public Bidding, sa rental sa serbisyo sa usa ka Unit nga Backhoe;
8. Case No. CPL-V-07-0783
ESTAFA mahitungod sa pag pirma sa CONTRACT OF LEASE with Alfie’s Construction and Construction Supply bisag wala pa nahatagan ug authority sa Sangguniang Panlungsod ug wala miagi ug Public Bidding, sa rental sa serbisyo sa usa ka Unit nga payloader;
ARON ANG KATAWHAN MASAYUD…..dili gyud matawag nga limpyo ug walay bahid kasal-anan kining tawo nga GAPAKAARON-INGNON NGA LIGDONG UG BUOTAN – ang tawo nga wala’y gihimo kon dili magpalaban sa mga bakak ug paglabay ug dautan nga binuhatan.
TINU-OD gayud ang panultihon nga kon kinsa kadto ang kusog MANGHINAWAY mao pa gayud hinuon ang tinuod nga SALAWAYON!
Wala diha sa pagkamaayo musulti o sa pagka-utukan ang sumbanan sa pagkamaayo sa tawo,apan anaa sa iyang tinud-anay nga intension sa iyang mga buhat ug sa tinud-anay nga pagserbisyo nga wala’y laing ginahuna-huna kon dili ang kaayuhan sa katawhan lamang.
Escalantehanon, nasugdan na ni Mayor Beboy ang maayong pagbag-o ug tinu-od nga pag-uswag sa atong syudad, ato pa ba kining tugutan nga mahibalik ang poder ngadto sa mga tawong hakog aron gamiton nila pag-abusar sama sa ilang gibuhat niadtong panahon nga ilaha pa ang poder?
Mag-uban kita sa pagprotekta sa tinu-od nga kalinaw ug pagpalambo sa atong syudad, AMPINGAN NATO KINI! ATO NI!